«BIGIDREAM» զարգացման կենտրոնի կողմից կազմակերպվեց «ԴԵՊԻ ՄԵԾ ԵՐԱԶԱՆՔՆԵՐ» համահայկական մրցույթ-փառատոնը, որ մեկնարկեց 2021թ. մայիսի 17-ին: Փառատոնի շրջանակում հավաքագրվեցին 20 համայնքային համակարգողներ՝ 19 ՀՀ-ից, և մեկը՝Արցախից։ Համակարգողներին վերապատրաստելուց հետո մեկնարկվեց բուն մրցույթը։ Մասնակիցները 8-12 տարեկան երեխաներն էին՝ մասնավոր և պետական կրթական հաստատությունների սաներ, հասարակական կազմակերպությունների անդամակցող երեխաներ, հայորդաց տների սաներ և այլն: Գրանցվելով մրցույթին՝ յուրաքանչյուր երեխա ընտրել էր իրեն հոգեհարազատ անվանակարգ (ներկայացվում ենստորև), ապա ստացել համապատասխան մրցութային առաջադրանք։ Առաջադրանքները կատարելու համար երեխաներին տրամադրվել էին առցանցդասընթացների փաթեթներ, որոնց կիրառումը կամընտրական էր։ Յուրաքանչյուր երեխա կարող էր մրցել միայն մեկ անվանակարգում։ Մրցույթի շրջանակում երեխաները նաևտեսաձայնագրվել էին, պատմել իրենց երազանքների մասին, որոնք պետք է իրականանային www.bigidream.com կայքումգրանցված «քավորների» կողմից։

Գրանցվելով մրցույթին՝ յուրաքանչյուր երեխա ընտրել էր իրեն հոգեհարազատ անվանակարգ, ապա ստացել համապատասխան առաջադրանք։ Առաջադրանքների համար տրամադրվել էին առցանց դասընթացների փաթեթներ։

Երեխաները մասնակցել էին միայն մեկ անվանակարգով և տեսաձայնագրվել՝ ներկայացնելով իրենց երազանքները, որոնք պետք է իրականանային կայքում գրանցված «քավորների» կողմից։ Վերջիններս գրանցվում էին՝ երազանքներն իրականացնելու կամ որպես հանդիսատես քվեարկելու նպատակով։

Մրցույթը նպաստեց մասնակիցների ինքնազարգացմանը, մասնագիտական կողմնորոշմանը, և համայնքային ներգրավվածությանը։

Մրցույթն անցկացվեց երեք փուլով՝
✔ Ներհամայնքային (20 համայնք),
✔ Ներմարզային (11+1),
✔ Եզրափակիչ առաջնություն։

Յուրաքանչյուր փուլում հաղթողները ընտրվեցին ժյուրիի կամ հանդիսատեսի միջոցով։
Անվանակարգեր՝
✔ «Խելացի հայ» – ավիամոդելավորում
✔ «Արվեստասեր հայ» – երաժշտա-թատերական բեմադրություն
✔ «Ստեղծարար հայ» – մեդիագրագիտություն
✔ «Շնորհալի հայ» – խոհարարական արվեստ
✔ «Ուժեղ հայ» – ֆիզիկական վարժություններ

2021թ. հունիսի 4-6-ը մրցույթի եզրափակիչ փուլը տեղի ունեցավ Երևանում՝ վրանային ճամբարով, վարպետության դասերով, կրթա-ժամանցային ծրագրերով։
Երեխաները հանդիպեցին այնպիսի կառույցների և մասնագետների հետ, ինչպիսիք են «ԹՈՒՄՈ»-ն, «Էկո Աղբ»-ը, «Արմաթ» լաբորատորիան և այլք։

ՄՀՀ-ում կայացավ մրցույթի ամփոփիչ փուլը՝ հինգ անվանակարգերում։ Բացի այդ, ներկայացվեց երաժշտա-թատերական ներկայացում՝ «Հայը կա. դեպի մեծ երազանքներ» խորագրով։

Հաղթող խմբերը փորձառության հնարավորություն ստացան Հայաստանի առաջատար ընկերություններում։