ՄԵՐ ԹԻՄԸ

Մեր նախաձեռնության հիմքում կանգնած է պարզ, բայց խորիմաստ գաղափար՝ երջանկացիր՝ երջանկացնելով։ Մենք հավատում ենք, որ իսկական երջանկությունը գալիս է ուրիշների կյանքում լույս ու բարություն սփռելուց։ Այս գաղափարն է «ՀԱՅԸ ԿԱ» ՀԿ-ի ստեղծման շարժիչ ուժը, որը միավորում է նրանց, ովքեր պատրաստ են սրտանց տալ, ստեղծել և ուժեղացնել հայկական ոգին։

«ՀԱՅԸ ԿԱ» ՀԿ-ի առաքելությունն է համախմբել բոլոր նրանց, ովքեր իրենց կյանքով և գործունեությամբ վկայում են, որ հայը կա, ապրում է և հզորանում։ Մենք միավորում ենք նրանց, ովքեր իրենց գործով, մտքով և նվիրումով կառուցում են հայկական ինքնության ամուր հիմքերը՝ պաշտպանելով, զարգացնելով և սերունդներին փոխանցելով մեր ազգային արժեքները։

«ՀԱՅԸ ԿԱ» ՀԿ-ն իր գործունեությունը կառուցում է երեք հիմնական ուղղություններով՝ զարգացում, սոցիալական աջակցություն և անվտանգություն։ Մեր ծրագրերը նպատակ ունեն նպաստել անհատների, համայնքների և ամբողջ ազգի համապարփակ առաջընթացին։

1. Զարգացում
2. Սոցիալական Աջակցություն
3. Անվտանգություն